نه احتیاج که ساقی ویره شراب از صائب تبریزی غزل 1

1 نه احتیاج که ساقی ویره شراب سنه؟ که ئوز پیاله سینی ویردی آفتاب سنه

2 شراب لعلی ایچون توکمه آبرو زنهار که دمبدم لب لعلین ویرور شراب سنه

3 اگر ویرام داشه پیمانه نی گیچورمندن شرابدن نیچه گوز تیکسه هر حباب سنه

4 قوروتما ترلی عذارین ایچینده باده ناب که گل کیمی یاراشور چهره پرآب سنه

5 شرابدن نه عجب اولماسون اگر سرخوش بودوزلو لبر ایلن نیلسون شراب سنه؟

6 بوآتشین یوز ایلن کیم دوتار سنین اتگین حلال ایلر قانینی تایتر کباب سنه

7 دیدوم چیخاره سنی خط حجابدن، غافل که خط غباری اولور پرده حجاب سنه

8 سنین صحیفه حسنین، کلام صائب دور که داغ عیب اولور خال انتخاب سنه