منی محروم ایدن رخساردن زلف پریشاندور
- 1
- 2
- 3
- 4
- 5
- 6
- 7
- 8
- 9
1 منی محروم ایدن رخساردن زلف پریشاندور بو دریای لطافت موج عنبر ایچره پنهاندور
2 اگر خورشید تابانیله سن سیز همشراب اولسام لب لعل می آلودی گوزومده قانلو پیکاندور
3 دد و دامی مسخر ایلیوپدور جذبه عشقی دو گون مجنون شیدا باشینه چتر سلیماندور
4 قاچان عاشقلرین فکرینه دوشدی اول عقیقی لب که اونین بیر قارا کونلو لریندن آب حیواندور
5 منی مکر رقیب آواره قیلدی یار کوییندن چیخاردان آدمی فردوسدن تزویر شیطاندور
6 مسلمانم دییرمی تک ایچر عاشقلرین قانین منم کافر، اگر اول دشمن ایمان مسلماندور
7 محبت اهلی نین جام نشاطی دوردن دوشمز نیچون چکسون خمار اول کیم همیشه ایچدیگی قاندور؟
8 من خاکی نه تنها اولموشام مجنون کیمی رسوا که اولدوزدان فلک سنگ ملامت ایچره پنهاندور
9 فلک لر قان ایچر گوردوکجه تجرید اهلینی صائب که یوخ سیزلر حرامیلر گوزینه تیغ عریاندور
دیدگاه‌ها **