الدن چیخارام زلف پریشانینی گورجک
- 1
- 2
- 3
- 4
- 5
- 6
- 7
- 8
- 9
1 الدن چیخارام زلف پریشانینی گورجک ایشدن گیدرم سرو خرامانینی گورجک
2 سوسیزلارا گر جان آخیدور چشمه حیوان من جان ویریرم چشمه حیوانینی گورجک
3 گر باغلاماسون ایل گوزینی شرم عذارین جاندان کسیلور خنجر مژگانینی گورجک
4 ریحان که نزاکت توکولوردی قلمیندن خط تیره چکر زلف پریشانینی گورجک
5 بلبل که گلون لعل لبیندن سوزآلیردی دیلی دولاشور غنچه خندانینی گورجک
6 رضوان که بهشتین یمیشی گوزینه گلمز دیشلر الینی سیب زنخدانینی گورجک
7 تردن خط ریحان ورقین پاک سیلیپدور نقاش گلستان خط ریحانینی گورجک
8 گلرنگ اولور صبح اتکی قانلو تریندن خورشید عذار عرق افشانینی گورجک
9 مژگانی اولوب قانلو یاشیندان رگ یاقوت صائب لب لعل گهر افشانینی گورجک
دیدگاه‌ها **