-
لایک
-
ذخیره
- شاعر
- عکس نوشته
- ثبت کامنت
- دیگر شعرها
ایذن وئر توی از شهریار گزیدهٔ اشعار ترکی 168
ایذن وئر توی گئجه‌سی من ده سنه دایه‌گلیم
1 ایذن وئر توی گئجه‌سی من ده سنه دایه‌گلیم ال قاتاندا سنه مشاطّه تماشایا گلیم.
2 سن بو آیلی گئجه‌ده سئیره چیخان بیر سرو اول. ایذن وئر منده دالینجا سورونوب سایه گلیم.
3 منه ده باخدین او شهلا گؤزوله ، من قارگون، جورئتیم اولمادی بیر کلمه تمنّایه گلیم.
4 من جهنم‌ده ده باش یاسدیقا قویسام سنیله ، هئچ آییلمام کی دوروب جنّت مأوایا گلیم.
5 ننه قارنیندا سنله ائگیز اولسایدیم اگر. ایسته‌‌مزدیم دوغولوب بیرده بو دونیایا گلیم.
6 سن یاتیب جنتّی رؤیادا گؤرنده گئجه‌لر، من ده جنتّده قوش اوللام ، کی او رؤیایا گلیم.
7 قیتیلیغ ایللر یاغیشی تک قورویوب گؤز یاشیمیز، کوی عشقینده گرک بیرده مصّلایه گلیم.
8 سنده صحرایه ماراللار کیمی بیر چیخ نولوکی منده بیر صئیده چیخانلار کیمی صحرایه گلیم.
9 آللاهیندان سن قورخماییب اولسان ترسا، قورخورام منده دؤنوب دین مسیحایه گلیم.
10 شیخ صنعان کیمی دونقوز اوتاریب ایللرجه، سنی بیر گؤرمک اوچون معبد ترسایه گلیم.
11 یوخ صنم ! آنلامادیم ، آنلامادیم ، حاشا من ، بوراخیب مسجدیمی ، سنله کلیسایه گلیم!
12 گل چیخاق طور تجلاّیه ، سن اول جلوه‌ای طور، من ده موسا کیمی اول طوره تجلاّیه گلیم.
13 شیردیر شهریارین شعری الینده شمشیر، کیم ، دئیر من بئله بیر شیریله دعوایه گلیم ؟
۱۳۵۳ ,
کامنت
