یا فه رد ئه عظم، از خالد نقشبندی اشعار کردی 7

1 یا فه رد ئه عظم، یا فه رد ئه عظم! یا حه ی یا قه ییووم، یا فه رد ئه عظم!

2 یاشنه وه ندی ی ناله ی صوبح ده م! په نای به ندی یان به ندیخانه ی غه م

3 یا فه ر از نده ی چه رخ موعه لله ق! یا نیگارنده ی نوطاق ئه زره ق!

4 یا بانی بونیان قوصووروئه یوان! ریفعه ت به خش ته خت هه فت پایه ی که یوان!

5 بی زاد و نه مر، بی خواب و بی خوه ر! نه عه ره ض، نه جیسم، نه روح، نه جوهه ر!

6 بینای بی دیده، شنه وای بی گوش! جه ئه سرار غه یب واقیف و خاموش!

7 بی هه متاوبی میثل، بی شه ریک، بی باک! جه عه یب موبه ررا، جه ئالایش پاک!

8 نه قشبه ند له وح صه حیفه ی هه ستی! نه شئه به خش جام باده ی سه رمه ستی!

9 نیظام ده هنده ی ئه رواح نه ئه جسام! ته رکیب کوننده ی ئه عصا نه ئه ندام!

10 به ماه و خورشید خه لعه ت به خش نوور! نو ماینده ی صوبح نه داجی ده یجور!

11 به رپا کوننده ی خه یمه ی بیستوون ده وران ده هنده ی باد بی سکوون!

12 جه مین پر نوور ماه مونه وه ر! نه طورره ی گیسووی شه و نومایان که ر!

13 ته ئلیف ده نده ی چار عو نصور به هه م ظاهیر کوننده ی وجوود، نه عه ده م!

14 فرورنده به رق نه سینه ی سه حاب ئولفه ت ده هنده ی ئاتش چه نی ئاب!

15 شوعله به خش نار پورته و ئه فزای نوور روزی ده هنده ی مه ل و مار و موور

16 فه رمان ده هنده ی مولک و مه له کوت شه هه نشای ئیقلیم لاهووت و ناسوت

17 نه ققاش نوقووش هه یوولا و صووه ر ره ضا مد ند جه خه یر، باخه به ر جه شه ر!

18 ره هاننده ی نوح نه طوف طوفان خه لاص کوننده ی یووسف نه زیندان

19 روی ره شه ن به شه و، شه و به روئاوره ر گه دایان به شاه، شاه به گه دا که ر!

20 موونس یوونس نه گیجاو غه م! نه کوی سه ره ندیب ره هنومای ئاده م!

21 هه مراز یووسف نه چاه که نعان ئه نیس یه عقووب نه به یتولئه حزان!

22 ره هبه ر مووسی به نار شه جه ر! به ده م عیسی مه رده زینده که ر!

23 ناقه به رئاوه رجه سه نگ خارا! ئه سکه نده ر جاده ر نه ته خت دارا!

24 نه ره م که ر به لوطف به مووسای عیمران! ئیعجاز به یضا و موعجیزه ی ثوعبان!

25 روباینده ی تاج و نه فه رق شاهان به خشاینده ی جاه وه صاحیب جاهان

26 میفتاح ئه بواب خه زانه ی غه یبی میشکات ضیای به زم لاره یبی

27 خالق الارواح فالق الاصباح مصباح النجاح، مفتاح الفلاح!

28 گیرنده ی به هه شت جه ده ست شه دداد به رباد کوننده ی قه وم عاد وه باد

29 که و که به ی فیرعه ون غه رق ده ریار که ر! وه په شه ی ضه عیف نه مرود فه ناده ر!

30 جاده هنده ی جه م جه موغاک خاک به رئارنده ی مار نه دوش ضه ححاک

31 نیگوون کوننده ی چه تر فه ریدوون خوسره و خه لطان که رنه گیجا و هوون

32 جام جه م نه ده س جه مشید به ئاوه ر! که لله ی که یکاووس وه تووتیا که ر!

33 به رهه م زه ننده ی سوپای سه لم و تورور به رباد ده هنده ی ئه ساسه ی ته یموور

34 مه شاطه ی طوغر ای زولف دیز له یل! ره هنومای مه جنون له هه رده ی دوجه یل!

35 په ی خو سره و شیرین نه ئه ر مه ن ئاوه ر! په ی شیرین فه رهاد وه بیستون به ر!

36 ره نگ ریز کالای گولناری گولان نه غمه ی نه وای ده نگ ناله ی بولبولان

37 طه رراز بالای توو ل نه چه مه نان صه فا ده هنده ی سینه ی ده رویشان

38 میسکینان نه واز، غه ریبان یاد که ر! بمندی یان جه به ندمیحه ت ئازاد که ر

39 قیبله ی عاشقان جه که عبه جه ده یر گه ردش ده هنده ی چه رخ سه بوک سه یر

40 مه بده ء ئیجاد کولل کائینات سزاوار به حه مد مه و صووف به صیفات

41 هه م جه مساجید هه م جه بتخانان موئمین و کافر ثه نات مه وانان

42 په ری بی که سان تونی فریاد ره س بالا ده س تو نی یه ن ده س که س

43 یارب! به حاجه ات ذوالجه لالی ویت به ذات و صیفات لایه زالی ویت

44 به موقه رربان باره گای عیززه ت به په رده داران سه ریر وه حدت

45 به عه رش و کورسی، به له وح و قه له م به مه لائیکان خاصه ی موحته ره م

46 به ده فته ر داران دیوان لاهوت به ذیکرته وحید جه ر گه ی مه له کوت

47 به سوز ئاده م به دیده ی نمین ئه وروجه به هه شت که فت نه روی زه مین

48 به خه لاصییی نووح جه طوف طوفان به شادیی خه لیل روی عید قوربان

49 به صیدق هاروون به قورب مووسی به پاکیی مه ریه م به ته قوای عیسی

50 به راستیی هوود به دوسیی ئیدریس به نه غمه ی داوود، به ناله ی جرجیس

51 به ویرد یوونس، به صه بر ئه ییوب به حوسن یووسف به زاریی یه عقوب

52 به ئاوازه ی ذیکر ئه رره ی زه که ریا ئه ورو که نه جه وف شه جه ر شه ق کریا

53 به ئیخلاص پاک سه یید موختار به زور بازوی حه یده ر که ررار

54 به راستی و صیدق صیددیق ئه کره م به دین دوستیی فارووق ئه عظه م

55 به نیکنامی و مه ظلوومیی عوثمان به شه هیدیی ئه و شاهیده ن قورئان

56 به حه لق ته شنه ی حوسه ین مه ظلووم به ئه رواح پاک ئه ئیممه ی مه عصووم

57 به صوحف وزه بور، ته ورات و ئینجیل به ئایه ی قورئان ئاوه رده ی جوبریل

58 به ئه صحاب که هف خواب ئالوده ی غار ئه مین بین جه شر شه راره ی کوففار

59 به قطب الاختیار به غوث الاعظم به رجال الغیب ئه و تاد عاله م

60 به بیت المعمور به مه سجید ئه قصی به یثرب زه مین به ئه رض به طحا

61 به شیخ به صری به شیخ بایه زید به سولطان جونه ید شیخ ئه بووسه عید

62 به چه هارده رویش مولک هیندستان به هه فت ئه ودالان خاصه ی کوردستان

63 به ئه صحاب به در کولل شه هیدان به گشت مریدان سه عاده ت نیشان

64 به شه و بیداران عیبادت خانه به حه ق ئاشنا، جه خه لق بیگانه

65 به خاک نشینان بادیه ی په ستی به جورعه نوشان به زم سه ر مستی

66 به سیاه پوستان سه ر حه لقه ی ما ته م هووناو ئه سرین مریزان نه چه م

67 به قه ده ح نوشان جورعه ی صه بووحی به توبه کاران توبه ی نه صووحی

68 به یاهوو یاهووی ئه ودلان به ر به ناله ی پیران واده ی سوب سه حه ر

69 به سوز سینه ی سه فته دروونان به ئاب دیده ی دل پرجه هوونان

70 به قه له نده ران مه ست و مه یخانه مکیشان نه دل نه عره ی مه ستانه

71 به عیشق ره ندان سه رمه ست و مه دهوش به جام باده ی پیر مه ی فروش

72 به سوز سینه ی سفته ی ده رویشان به ئاب دیده ی دل پرچه ریشان

73 به دوردی که شان به زم ئیراده ت به گوشه گیران کونج قه ناعه ت

74 به بانگ حه ججاج، به ئاب زمزه م به له حن ئینجیل به طه وف حه ره م

75 به ته ئثیر صه وت قاری قورئانان به صه دای ناقووس نه وای ره هبانان

76 به سه حه ر خیزیی ساکنان ده یر به دوعای پیران عاقیبه ت وخه یر

77 به صه فای سینه ی صوفیان صاف به ذیکر شیخان جامع الاوصاف

78 به سه ر گه شته گان وادیی جه یرانی مه که ران نه رای حه ق جان فشانی

79 به سه ر گه ردانیی که لپوس وه پیلان نه بادیه ی عیشق ویل ویل مه گیلان

80 به عیش سینه ی صاف ده رویشان به سوز ده روون یاهو و مه کیشان

81 به کونه پوشان کونج خه رابات جه نیمه شه وان موانان حاجات

82 به ره قص و سه ماع وه جدئه هل حال مه وینان وه چه م جه مین و یصال

83 به حیکمه ت واتان سیرر ئیلاهی جه ئه سرار غه یب مه دان گه واهی

84 به توبه کاران جه گشت ویه رده به بی وه فاییی دنیا په ی به رده

85 به عه دل شاهان ره عییه ت په روه ر که س جه په ناشان نه دیه نش زه ره ر

86 به سه یل ئه سرین ئه بر نه و به هار به شوعله ی ده روون به رق شه ره روار

87 به سه رئا ویزیی به ره زای به رزان به له ره ی ئه ندام توول قه لوه زان

88 به گونای ره نگین گولان وه هار به ناله ی حه زین بولبولان زار

89 به داغ ده روون سپی گولالان به یداشان ماوان وینه ی ئه ودالان

90 به وه فای له یلی، به عیشق مه جنوون به ناله ی کو که ن نه پای بیستوون

91 به جیلوه ی بتان شوخ مه هجه مین منمانان جه مال جیهان ئافه رین

92 به غه مزه ی جادووی سورمه سای جانان لیقای سوبحانی به خه لق مه نمانان

93 به ذیکر مورغان به یاهو و یاهوو موانان یامن لیس الاهو

94 یاشا! جه ده ر گات ئیدمه ن ره جا ببخ خشی گونای به نده ی روو سیا

95 من که سه ر حه لقه ی گوناکارانم سه رتوق جه ر گه ی شه رمه سارانم

96 سه ر تا پا غه ریق لوججه ی عیصیانم سفته ی نائیره ی نار حیرمانم

97 شه رط ئه مرتوم وه جا ناوه رده ن جه ته قصیراتم ته قصیر نه که رده ن

98 هه ر چیوه م که رده ن جه نافه رمانی نادانیم بیه ن، توویت مه زانی

99 ئه ر مسو چینم، ئه ر به خشیم گوناه ره ضام ره ضای تون الحکم لله

100 یه ک ئه مجار به لوطف ببه خشه م گوناه استغفرالله، استغفرالله

101 جورمم بی حه ده ن، گونام بی شومار رب نجنی من عذاب النار

102 نه که ری مه حرووم به نده ی رووسیاه ولا تقنطوا من رحمه الله

103 بار عیصیانم کوکوبیه ن جه م یا غافر الذنب فاغفرلی و ارحم

104 نیازم ئیده ن یا حه ی، یا قه ییوم خالید جه ده ر گات نه که ری مه حرووم